國產淩淩漆之精彩對白 與某妓女嘅對話

外景：深圳某一市場豬肉攤前。
某女甲：你以為你匿喺度就揾唔到你咩？冇用架！你啲咁出色嘅難忍（男人），無論喺邊度，都好似漆黑中嘅螢火蟲一樣，咁鮮明，咁出眾。你憂鬱嘅眼神，唏噓嘅須根，神乎其技嘅刀法，同埋嗰杯Dry Martine，都徹底噉將你出賣咗。不過，你雖然係咁出色，始終行有行規，無論典（點）你都要找埋尋晚嗰條過夜數，叫雞唔使畀錢呀？
淩淩漆：我重估我哋嘅交往係建築喺感情之上，估唔到，原來都係一盤生意。
某女甲：講感情都要畀錢架。
淩淩漆：明白嘅，有一早畀咗你啦。但係近排興食齋，冇乜人幫襯，不如噉啦，攞篘豬肉返去頂住數先啦。嚟吖，粗粗地，唔該。
某女甲：你好嘢，山水有山逢。（某女甲提豬肉轉身走。）
淩淩漆：
有興趣嘅不如今天再相逢啦。
（某女甲把豬肉投向淩淩漆）
淩淩漆（用刀接住豬肉）：慳番。（順勢將豬肉切成兩半，掛喺豬肉鉤上）
某女乙：咩話？個衰佬唔肯畀錢？我幫你拖馬喐佢！
某女甲：算啦，話到尾，佢始終都係一個獨一無二、風度翩翩嘅豬肉佬。
（阿漆依著豬肉攤，品著白蘭地。）

同達聞西嘅對話
（達聞西提住菜藍，踏住積水而來，見到阿漆，突然停住，擺出架勢。）
達聞西：力拔山兮氣蓋世……
淩淩漆（酒杯落地而碎）：時不利兮騅不逝。
達聞西：阿漆。
淩淩漆：聞西。
達聞西：我都係希望你叫番我全名——達聞西。
淩淩漆：冇問題吖，聞西。
達聞西：多謝。
淩淩漆：唔好客氣，聞西。
達聞西：國家終於有任務畀你喇。
淩淩漆：係咩？
達聞西：嗯。
淩淩漆：終於都肯揾我嘞咩？（舉刀將砧板劈開）

去錯麗晶酒店
（淩淩漆穿一身黑衣，頭戴禮帽，手提皮箱，款款而來。字幕：香港）
（淩淩漆同一女子好似有說有笑步入酒店。女子見到熟人停住，淩淩漆徑自走到總台前。淩淩漆盯看酒店內女人嘅性感形象，睇到入曬神）
酒店服務員：Can I help you,sir?
淩淩漆：係啊，yes，well，我經已book咗房。
酒店服務員：請問貴姓呢？
淩淩漆：My name is 淩淩漆。
（一個鬼妹經過，想淩淩漆打招呼，漆回以挑逗眼神）
酒店服務員：唔好意思啊，冇你個名喎。
淩淩漆：咩話？有噉嘅事？（從袋裏麵攞出一張地址遞畀服務員）請你查真啲吖。
酒店服務員：哦，對唔住啊，你book嘅唔係麗晶酒店，你book嘅係麗晶大賓館。
（鏡頭轉向一間破舊嘅招待所，淩淩漆仰望到麗晶大賓館破落嘅門牌，皮箱不覺落地）
淩淩漆：Shit！

李香琴屋企
（阿漆食住支煙，環顧房間，阿琴唱住歌）
淩淩漆：香港美女多，我睇你都好有愛心喎，你經常喂嘢畀啲狗食嚇。哎，乜你鍾意畫畫嘅咩？
阿琴：係啊，你呢？
淩淩漆：我馬馬啫，我劏豬嘅。……咩歌啊？
阿琴：李香蘭。
淩淩漆：哦，張學友嗰首李香蘭，我識，不過唔係好熟，李香琴我熟啲。
阿琴：是咩？我個名咪叫李香琴囉。
淩淩漆：你叫李香琴？
阿琴：係呀，我叫李香琴。
淩淩漆： 哈——哈——哈，你叫李香琴，噉李香蘭梗係你阿媽喇？
阿琴：係啊，李香蘭真係我阿媽啊。
淩淩漆：哈——哈——哈——哈，李香蘭是你啊媽？（順眼一睇，地上有
煙頭）你食唔食煙架？
阿琴：唔食。
淩淩漆：出嚟吖，（淩淩漆掹出槍，對準衣櫃）出嚟啊！
淩淩漆（分析道）：你唔食煙，冇理由個煙頭喺地下度，加上櫃門虛掩，好明顯有第三個人匿埋喺裏麵嚟！（撥開阿琴）你行埋一便，好危險啊。出嚟！（向衣櫃踢去，腿 卡住喺櫃門度）
阿琴：（執起煙頭）你係唔係食健牌架？
淩淩漆：喂，你點知架？
阿琴：煙頭係你自己抌架。
淩淩漆：噢，Shit！
阿琴（打開櫃門，取出淩淩漆剛放入去嘅鞋）：嚟吖，著番對鞋。（回頭，卻見淩淩漆端坐於梳化上。）
淩淩漆：經過咗舟車勞頓，無可否認，我係神經過敏咗少少，但係我可以大膽講句，我絕對係一個優秀嘅特務嚟。
阿琴：嗯，畀番對拖鞋我先。
淩淩漆（將拖鞋除出遞畀阿琴）：今次我接受國家嘅任務，亦都係有備而嚟嘅。（打開皮箱）嗱，好似呢個model嘅F40噉樣，表麵上係一個大哥電話，但 你睇到呢度有一層金屬網膜，實際上，（按一個鈕）佢係一個須刨嚟嘅。（安然剃須）呢個係方便我哋出席一啲宴會場合，能夠神不知鬼不覺噉刮須。（又攞出一個須刨刀） 呢個model911表麵上係一個須刨，實際上，（除帽攞住）佢係一個風筒（用“風筒”吹頭）。
阿琴（手上攞起另一個風筒）：使唔使咁多風筒阿？
淩淩漆： 風筒隻係佢表麵嘅掩飾，事實上，佢係一個須刨嚟嘅。問你死未？
阿琴：唔怪得知你咁靚仔啦。
淩淩漆：又唔好噉講。
阿琴：噉你唔見咗個風筒呢？唔知點算呢，可？
淩淩漆（一聳肩）：哼，難我唔到，我並唔係浪得虛名。其實我著緊呢對鞋——都係一個風筒嚟嘅（吹風，梳頭）你知啦，作為一個特務，儀表係幾咁緊要得架。哎呀， 唔該，有冇兩粒筆心電啊？啱啱冇電添，真係。
阿琴：冇喎。
淩淩漆：算啦，由佢，遲啲先搞。
阿琴：我真係好想知道，你個咁優秀嘅間諜，係用咩槍，可唔可以借我睇嚇？
淩淩漆（一笑）：唔怕失禮講句，槍其實我唔係好在行，我嘅強項係：飛刀。
阿琴：飛——刀？（窗外天氣驟變，雷電交加）
淩淩漆：冇錯，飛係小李飛刀個“飛”，刀係小李飛刀個“刀”。（不約而同企起身）
（淩淩漆抽出飛刀，仿佛瞄準一米老鼠玩具。一漂亮的出刀姿勢後，刀卻插在空牆上。）
阿琴：犀利。
淩淩漆：基本上——
阿琴（一擺手）：知架喇，言歸正傳啦。（攞出一箱武器）身為一個間諜，點都應該對槍係有啲認識嘅。呢支UFO來福槍，適合遠距離狙擊，射程兩百米；呢種叫做224痰罐子彈， 係我特別配製專用嘅。
淩淩漆：我鍾意呢個名字。
阿琴：357左輪密林，配備有爆破子彈添啊。
淩淩漆：呢啲孔龍射唔射得死啊？
阿琴：噉就要揾隻試嚇先知喇。（阿琴喺暗處裝上子彈）中國製PPK，係國內間諜專用，射程一百二十米，缺點就是聲音太大，但係用埋呢個滅聲器之後，殺人就可以無聲無息啦。（琴裝上滅 聲器，用槍指住淩淩漆）
淩淩漆：呢個唔知係咩嚟嘅呢？塞咗啲咩嘢喺裏麵？
阿琴：我諗係棉花啩。
淩淩漆：係棉花咁cheap嘅咋咩？（阿琴扣緊扳雞）唔知廁紙得唔得呢，嗬？
阿琴（放聲大笑）：你靚仔得嚟，都幾抵死嘅。
淩淩漆：睇唔到嘢嘅，喂。（阿琴欲扣扳雞，此時淩淩漆卻已旋下滅聲器）都幾骨致喎，唔知呢支啱唔啱呢。原來我支都啱用，可唔可以畀我試嚇？
阿琴：好啊，你想點試吖？
淩淩漆：好大雨，等我閂閂窗先好嘛？
（阿漆將槍放喺台麵，轉身去關窗，阿琴攞起槍對準淩淩漆頭開火，點知子彈卻後射，射中自己右膊頭。阿琴一聲驚叫）
淩淩漆：做咩啊？你中咗槍嘅？
阿琴：試槍啊！
淩淩漆：呢支係倒後槍，一開就向後射架喇。
阿琴：你唔早啲講！
淩淩漆：啲血係噉飆，等等我。（轉過身，從箱中揾嘢，阿琴倒過槍口射擊，點知都係射中自己左膊頭，更大聲地痛叫）
淩淩漆：你做咩啊？！
阿琴：我喺度試槍。
淩淩漆：又賴嘢咧？你做咩唔早同我啫，呢支槍全名叫做蠱惑的槍，向後射完再向前梅花間竹噉嚟加嘛。
阿琴：你唔早講！
淩淩漆：啲血係噉飆，嚟吖，攞塊膠布嚟粘住先啦，快啲。
（阿琴轉身跑向洗手間，喺洗手間阿琴聽到類似電話嘅鈴聲，揵開馬桶蓋，原來係司令嘅遠程視頻會議係統）
司令：阿琴，做咩你滿頭大汗噉？
阿琴：我啱啱衝緊涼啊。
司令：淩淩漆喺邊啊？
阿琴：重喺度，但係你放心啦，我好快可以完成任務架喇。
司令：唔好喐手住，宜家計劃有變，去到賴有為屋企，先至殺佢， 噉就可以嫁禍埋畀賴有為，而且絕對冇人懷疑係我哋做嘅，等多一日添啦。
阿琴：嚇？ 重等多一日？
司令：嗯？乜你成身血嘅？
阿琴：冇，我啱啱刷緊牙，流牙血啫。
司令：你用啲咩牙刷啊？掃把嚟架？
（淩淩漆推門而進）
淩淩漆：點啊，你？
司令：hi，淩淩漆。
淩淩漆（敬禮）：司令，喺個屎坑度都能夠見到你，真係開心！
司令：點啊？你兩個合作合作成點啊？
淩淩漆：好，阿琴個人人品好，又冇乜架子，做朋友真是一流。阿琴，你又覺得我個人點啫？
阿琴： 你除咗靚仔之外我冇咩好講。
淩淩漆：重有嘅，遲啲你就知喇。
司令： 希望你哋兩個早日完成任務。
淩淩漆（阿琴共同）：是（知道）。
（司令關閉係統，阿琴將馬桶冚番住，並衝水）
淩淩漆：阿琴，攞番支槍先。
阿琴：唔該。
淩淩漆：唔好喐，等我幫你。（貼膠布）
阿琴：塊藥水膠布呢留番你自己用啦，我冇事呀，唔該！
淩淩漆：聽我講，以後真係唔好立亂試槍。
阿琴（向上頂連續射數槍）：我鍾意試槍啊，得唔得吖？（吊燈跌落阿琴頭上……）

---

　　爭咩嘢啊，兩樣溝埋一齊叫瀨尿牛丸啊——笨！

---

　　這裏有
我找了很辛苦才找到的
國語粵語都有
周星馳影迷的論壇